اورنگ آباد: این آر سی و سی اے اے کے خلاف مہا ریلی

مہاراشٹر کے ضلع اورنگ آباد میں این آر سی اور شہریت ترمیمی قانون کے خلاف ایک 'مہا ریلی' نکالی گئی، اس کل جماعتی ریلی میں شہر کی مذہبی شخصیات کے علاوہ سیاسی رہنماؤں نے بھی شرکت کی۔

جمعہ کی نماز کے بعد شہر کی جامع مسجد سے نکلی یہ مہا ریلی دہلی گیٹ پہنچی اور اس شہر و اطراف کے مرد و خواتین اور طلبا و طالبات نے بڑھ چڑھ کر حصہ لیا۔

لاکھوں کی تعداد میں لوگ اس مہا ریلی میں شامل ہوئے اور حکومت کے این آر سی اور شہریت ترمیمی قانون کے خلاف اپنی برہمی کا اظہار کیا۔

اہم بات یہ رہی کہ ریاست اور بیرون ریاست کے قد آور رہنماؤں نے بھی اس مہا ریلی سے خطاب کیا۔