محمد الیاس مہاراشٹر کی پڑوسی ریاست گجرات کے شہر کچھ کے رہنے والے ہیں۔ 1975 سے محمد الیاس اس پیشے سے جڑے ہیں۔
محمد الیاس کہتے ہیں کہ ایک وہ دور تھا، جب ہر طرف لوگ بازار میں ملنے والے گدے اور رضائی کے بجائے کپاس کی روئی سے بنے گدے کو فوقیت دیتے تھے، کیونکہ اسکے فائدے سے ہر شخص واقف تھا۔ مگر اب حالات بدل چکے ہیں۔
زمانہ ترقی کر رہا ہے۔ اس تیز رفتار زندگی میں لوگ بازار میں اسپنچ اور گدے ہی پسند کرتے ہیں۔ یہی وجہ ہے کہ یہ پیشہ بھی گرداشِ زمانے کی نذر ہو گیا۔ اب بہت ہی کم لوگ ایسے ملتے ہیں جو کپاس کا استعمال کرتے ہیں۔ اس لئے اب کام زیادہ نہیں ملتا۔