ممبئی:ممبئی کے اسلام جمخانہ میں ایک خاتون ممبر کی جانب سے ممبئی کے مرن لائنز پولیس تھانے میں بدفعلی اور مار پیٹ کی دفعات کے تحت ایف آئی درج کرائے جانے کے بعد اسلام جمخانہ انتظامیہ نے جمخانہ کے اصول و ضوابط کو مدنظر رکھتے ہوئے ایک خصوصی جانچ کمیٹی کی تشکیل کی ہے جسکی سربراہی سبگدوش جج ابھے تھپسے کر رہے ہیں۔ Islam Jimkhana Mumbai Constitutes Committee
اسلام جمخانہ کے صدر یوسف ابراہنی نے ای ٹی وی بھارت کے ساتھ بات کرتے ہوئے کہا: ’’چونکہ خاتوں ممبر کی جانب سے ایف آئی آر درج کی گئی ہے، حالانکہ سچائی اور شواہد سب کے سامنے ہیں، باوجود اسکے ہم نے اس معاملے میں جمخانہ کے تقدس اور اسکی شبیہ کو بہتر بنائے رکھنے کے لئے ایک کمیٹی کی تشکیل کی ہے جو صاف و شفاف جانچ کر کے اپنی رپورٹ جمخانہ سمیت ان سبھی جگہوں پر پیش کرے گی جہاں اسکی ضرورت ہے۔‘‘ Islam Jimkhana Female member Lodges Complaint
انہوں نے مزید کہا کہ ’’یہ جانچ سبگدوش جج ابھے تھپسے کی سربراہی میں چل رہی ہے اسکے ساتھ ساتھ ایک سبگدوش اے سی پی اور 3 خواتین بھی اس کمیٹی میں شامل ہیں جو ملزم اور متاثرہ دونوں سے پوچھ تاچھ کرکے 4 دنوں کے اندر اپنی رپورٹ پیش کریگی۔ اس رپورٹ کے بعد کارروائی کا سلسلہ آگے بڑھایا جائیگا۔‘‘ ابراہنی نے کہا کہ ’’واردات کی ساری ویڈیو سی سی ٹی وی کیمرے میں قید ہے جسے ہم نے پولیس تھانے میں جمع کیا ہے، یہی نہیں ہم نے شکایت کرنے والی خاتوں ممبر کی حرکتوں کو لیکر انکے والد اور پولیس دونوں کو آگاہ کیا تھا باوجود اسکے اس معاملے میں بدفعلی، مار پیٹ کی دفعات کے تحت معاملہ درج کیا گیا تھا حالانکہ ہم آغاز سے ہی پولیس کو تعاون کر رہے ہیں۔‘‘