ممبرا کے احتجاج میں ڈاکٹر کفیل کی شرکت

مہاراشٹر کے دارالحکومت ممبئی سے متصل مسلم اکثریتی شہر ممبرا میں گزشتہ کئی دنوں سے خواتین کا احتجاجی دھرنا جاری ہے ان کی حوصلہ افزائی کے لیے گورکھپور کے بی آر ڈی کالج کے ڈاکٹر کفیل نے شرکت کی۔

ڈاکٹر کفیل نے ممبرا میں اپنے خطاب کے دوران کہا کہ 'ممبرا کی خواتین کے عزم اور حوصلے کو کرتا ہوں۔ دہلی کے شاہین باغ میں ہونے والے پرامن احتجاج کو دیکھتے ہوئے پورے ملک میں منگل شب تک تقریباً پانچ ہزار سے زائد شاہین باغ بن چکے ہیں۔ اور وہاں خواتین شہریت ترمیمی قانون این پی آر اور این آر سی کے خلاف پرامن طریقے سے احتجاجی مظاہرے کررہی ہے۔ آئین کو بچانے کے لیے ماں، بہنیں سڑکوں پر اتر چکی ہے آج نہیں تو کل حکومت کو جھکنا ہوگا۔

انہوں نے اترپردیش کے گورکھپور میں گزشتہ برس بی آر ڈی کالج میں بچوں کی اموات کا بھی تذکرہ کرتے ہوئے یوگی حکومت کی جانب سے ڈھائے گئے مظالم کا بھی تذکرہ کیا اس دوران یہاں پر کثیر تعداد میں خواتین کے علاوہ کے شہر بھر کے کئی ڈاکٹرز بھی موجود تھے۔