کورونا روک تھام کے نوڈل افسر ڈاکٹر امت مالاکر نے بتایا کہ یہ متاثرہ شخص 6 دسمبر کو برطانیہ سے دہلی اور دہلی سے ہوائی راستے اندور پہنچا تھا۔
برطانیہ سے اندور واپس آئے مسافر میں کورونا کا نیا اسٹرین ملا مرکزی حکومت کے ذریعہ الرٹ کرنے کے بعد 23 دسمبر کو محکمہ صحت کو اندور آنے والے مسافروں کی فہرست ملی تھی۔ اس کے بعد 24 دسمبر کو اس کے خاندان کے تین ممبران کے سیمپل لیے گئے، جس کی جانچ میں اس کی اہلیہ، بچے اور ماں متاثر نہیں پائے گئے۔ صرف برطانیہ سے لوٹا شخص متاثر پایا گیا ہے۔
یہ بھی پڑھیں: 'برڈ فلو سے بچنا ہے تو مرغا کھانے سے پرہیز کریں'
ڈاکٹر مالاکر نے بتایا کہ اس کورونا متاثر کا ایک سیمپل میوٹیڈ اسٹرین کی جانچ کے لیے دہلی بھیجا گیا تھا، جس کی رپورٹ کل موصول ہوئی اور میوٹیڈ اسٹرین پائے جانے کی معلومات سامنے آئی ہے۔ 26 دسمبر سے ہی ہوم آئسولیشن میں رہ رہے شخص کا 29 دسمبر اور کل ایک سیمپل لیا گیا ہے، جس کی جانچ جاری ہے۔
یو این آئی