یادگیر: بیڑی ورکر ہسپتال میں ٹیکہ کاری کا دوسرا ڈوز دیا جا رہا ہے

ریاست کرناٹک کے ضلع یادگیر میں کورونا ویکسینیشن کا عمل جاری ہے، شہر کے سرکاری ہسپتال کے علاوہ بیڑی ورکر ہسپتال میں بھی ٹیکہ کاری کا عمل جاری ہے۔

محکمہ صحت کی جانب سے سرکاری ہسپتال کا آبادی سے دور ہونے کی وجہ سے عوامی سہولت کے خاطر محکمہ صحت کی جانب سے بیڑی ورکر ہسپتال میں کورونا ٹیکہ کاری کا عمل شروع کیا گیا۔

اس موقع پر محکمہ صحت کی ذمہدار نے میڈیا سے بات کرتے ہوئے کہا کہ بیڑی ورکر ہسپتال میں کورونا ویکسین کا دوسرا ڈوز دیا جا رہا ہے۔

انہوں نے کہا کہ ابھی ویکسین کا دوسرا ڈوز دیا جا رہا ہے، محکمہ صحت کی جانب سے احکامات ملنے پر ان لوگوں کو بھی پہلا ڈوز دیا جائے گا جنہوں نے ابھی تک ڈور نہیں لیا ہے۔ روزآنہ 100 سے زائد لوگوں کو کورونا ویکسین دی جا رہی ہے، انہوں نے کہا کہ 45 سال کی عمر سے زیادہ لوگوں کو یہ ویکسین دی جا رہی ہے۔

اس موقع پر ویکسین لینے والی وجے لکشمی نے بتایا کہ آج میں نے دوسرا ڈوز لیا ہے، انہوں نے عوام سے اپیل کرتے ہوئے کہا کہ وہ ضرور ویکسین لیں۔