جھارکھنڈ میں نکسلیوں کے خلاف خصوصی مہم میں پلامو ضلع کے حیدر نگر تھانہ علاقہ سے پولیس نے پیپلس لبریشن فرنٹ آف انڈیا پی ایل ایف آئی کے ایریا کمانڈر مکیش کمار یادو عرف طوفان جی عرف ساکیت جی کو گرفتار کرلیا ہے ۔
پولیس سپرنٹنڈنٹ اجے لنڈا نے بتایا کہ اطلاع ملی تھی کہ پی ایل ایف آئی کا ایریا کمانڈر مکیش حیدر نگر کے کریمن ڈیہہ میں گذشتہ کچھ دنوں سے چھپ کر رہ رہا ہے ۔
انہوں نے مزید بتایا کہ اطلاع کی تصدیق کے بعد نکسلی ایریا کمانڈر کی گرفتاری کیلئے خصوصی ٹیم کی تشکیل کی گئی ۔
مسٹر لنڈا نے بتایا کہ خصوصی ٹیم نے حیدر نگر علاقے میں تلاشی مہم چلا کر پی ایل ایف آئی ایریا کمانڈر کو 315 بور کی رائفل کے ساتھ گرفتار کرلیا ۔
انہوں نے مزید بتایا کہ گرفتار مکیش ضلع کے لیسلی گنج کے اوریا گاﺅں کا باشندہ ہے ۔ مکیش کے خلاف لیسلی گنج تھانہ سمیت دیگر تھانوںمیں کئی معاملات درج ہیں۔
Last Updated : Sep 30, 2019, 8:55 PM IST