بھارتیہ جنتا پارٹی جموں و کشمیر کے صدر رویندر رینا نے ای ٹی وی بھارت کے ساتھ بات چیت میں کہا کہ وزیر اعظم نریندر مودی اور وزیر داخلہ امت شاہ نے پہلے ہی واضح کر چکے ہیں کہ جموں کشمیر میں انتخابات حدبندی کمیشن کے حتمی فیصلے کے بعد کرائے جائے گے۔' Exclusive interview of BJP J&K president Ravinder raina
انہوں نے دعویٰ کیا کہ' بی جے پی جموں کشمیر میں اکثریت کے ساتھ حکموت بنائے گی۔ اسی کے ساتھ انہوں نے کہا کہ جموں و کشمیر میں پہاڑی طبقہ کے دیرینہ مطالبات کو جلد حل کیا جائے گا۔'
پارٹی ریاستی صدر رویندر رینا نے کہا کہ' پہاڑی زبان بولنے والے طبقہ کے لوگ گذشتہ 70 برسوں سے اپنے جائز حقوق کے لیے جد و جہد کر رہے ہیں۔
انہوں نے کہا کہ' یہ لوگ پکے قوم پرست اور محب وطن ہیں، جنہوں نے ہمیشہ جموں و کشمیر پولیس، فوج، بی ایس ایف، سی آر پی ایف اور دیگر سیکورٹی فورسز کا ساتھ دیا۔ اس طبقہ کی خوبصورتی یہ ہے کہ اس میں ہندو، مسلم، سکھ مذاہب کے ماننے والے سبھی لوگ شامل ہیں جو کہ دور دراز علاقوں میں کسمپرسی کی زندگی جینے پر مجبور ہیں۔'