ایس سی ایس ٹی سے متعلق بیان بازی پر سیاست گرم

سپریم کورٹ کی جانب سے حال میں ایس سی ایس ٹی کی نوکریوں میں ایئر پرموشن، تحفظ سے متعلق کیے گئے تبصرے پر سیاست گرما گئی ہے۔

سنیچر کے روز جموں و کشمیر میں کانگریس نے مرکزی حکومت کے پر تنقید کی ہے۔ کانگیس کے کارکنان نے جموں کے شہیدی چوک پر واقع کانگریس دفتر کے باہر مرکزی حکومت کے خلاف نعرے بازی کی۔

مرکزی حکومت کی پالیسویں کو دلت مخالف بتاتے ہوئے جوں و کشمیر کے کانگریس یونٹ صدر میر نے کہا کہ ایس سی ایس ٹی او بی سی وہ طبقہ ہے جسے بھارت کے آئین نے فائدہ دینے کی بات کہی ہے لیکن آج بی جے پی حکومت اس طبقے کے حق کو ختم کرنا چاہتی ہے لیکن گزشتہ 70 برسوں کی طرح ایک بار پھر کانگریس پارٹی ان کی آواز بنے گی اور حکومت کی دلت مخالف پالیسیوں کے خلاف آواز اٹھائے گی۔

خیال رہے حال میں سپریم کورٹ نے کہا ہے کہ ریاستی حکومتیں تقرریوں میں ریزرویشن دینے کی پابند نہیں ہیں اور ترقیوں میں ریزرویشن کا دعوی کرنے کا کوئی بنیادی حق نہیں ہے۔