کوروناوائرس: جے کے ہینڈلوم ڈیولپمنٹ کا 10لاکھ روپے کا عطیہ

جموں اینڈ کشمیر سٹیٹ ہینڈ لوم ڈیولپمنٹ کارپوریشن ( جے کے ایچ ڈی سی ) نے آج کورونا وائرس کے پھیلاﺅ کو روکنے کے سلسلے میں جاری کوششوں کو استحکام بخشنے کے لیے جموں و کشمیر ریلیف فنڈ میں 10لاکھ روپے کا عطیہ کیا۔

اس سلسلے میں منیجنگ ڈائریکٹر جے کے ایچ ڈی سی راکیش شرما نے کمشنر سکریٹری صنعت و حرفت منوج کمار دوِیدی کو جموں و کشمیر ریلیف فنڈ میں جمع کرنے کے لیے 10لاکھ روپے کا چیک پیش کیا۔

یہ رقم کارپوریشن کے عملے نے رضاکارانہ طور جمع کی ہے۔ جے کے ایچ ڈی سی کے منیجنگ ڈائریکٹر نے کمشنر سیکرٹری کو بتایا کہ ' یہ رقم کارپوریشن کے ملازمین نے اپنی تنخواہ میں سے نکال کر جمع کردی۔'

اُنہوں نے مزید کہا کہ 'جے کے ایچ ڈی سی نے مختلف سرکاری محکموں کو فراہم کرنے کے لیے ماسکس بھی تیار کیں ۔ اِس کے علاوہ جے کے ایچ ڈی سی کووِڈ ہسپتالوں کو بیڈ شیٹ ،تکیہ کور اور میٹرس بھی فراہم کررہا ہے۔ کمشنر سکریٹری نے جے کے ایچ ڈی سی کی ان اقدام کی سراہنا کی۔