گجرات: جنسی زیادتی سےدلت طبقہ شدید ناراض

گجرات کے ارولی ضلع کے علاقے موڑاسا میں دلت لڑکی کی موت اور اس کے ساتھ اجتماعی جنسی زیادتی کے معاملے پر لوگوں کا غم و غصہ بڑھتا جا رہا ہے۔

ایسے میں اب احمدآباد کے دلت برادری کے لوگ سڑکوں پر اتر کر انصاف کا مطالبہ کر رہے ہیں اور ساتھ ہی ساتھ کینڈل جلا کر متاثرہ کو خراج عقیدت پیش کر رہے ہیں۔

دراصل موڑاسا کی رہنے والے 19سالہ طالبہ ایک جنوری کو لا پتہ ہو گئی تھی، اس کے بعد پانچ جنوری کو اس لڑکی کی لاش ایک درخت سے لٹکی پائی گئی۔اس معاملے پر لڑکی کے اہل خانہ نے اس کے ساتھ جنسی زیادتی کرکے اسے قتل کرنے کا الزام عائد کیا تھا۔

اس پر احمدآباد کے سرخیز علاقے کے لوگوں نے ہاتھوں میں کینڈل جلا کر کہا کہ انھیں انصاف چاہیے اور گنہگاروں کو پھانسی کی سزا ہونا چاہے۔

اس معاملے پر مقامی کاونسلر نفیسہ انصاری نے کہا کہ روز بہ روز جنسی زیادتی کے واقعات بڑھتے جا رہے ہیں اور ملزم کھلے عام گھوم رہے ہیں۔

نفیسہ انصاری نے مطالبہ کرتے ہوئے کہا کہ ایسے معاملوں کے پر روک لگانے کے لیے حکومت کو جلد از جلد کوئی قدم اٹھاتے ہوئے قصور واروں کو سزا جلد دی جائے۔

واضح رہے کہ نربھیا کیس کے قصور واروں کو تو پھانسی ہونے والی ہیں لیکن اب بھی جنسی زیادتی کے واقعات کم ہوتے نظر نہیں آ رہے ہیں ایسے می‍ں اب دیکھنا یہ ہے کہ حکومت اس طرح کئ واقعات پر کیسے لگام لگاتی ہے؟