نوجوت سنگھ سدھو کی پرینکا گاندھی سے ملاقات

کانگریس پارٹی کی رہنما پرینکا گاندھی واڈرا اور پارٹی کے ناراض رہنما نوجوت سنگھ سدھو کی آج نئی دہلی میں ملاقات ہوئی۔ اطلاعات کے مطابق یہ ملاقات پرینکا گاندھی کی رہائش گاہ پر ہوئی ہے۔

نئی دہلی میں پرینکا گاندھی سے ملاقات کے فوری بعد نوجوت سنگھ سدھو نے ٹوئٹر پر ملاقات کی ایک تصویر شیئر کی اور کہا کہ ’پرینکا گاندھی جی کے ساتھ لمبی ملاقات ہوئی‘۔

گذشتہ روز راہل گاندھی نے ملاقات سدھو سے ملاقات سے متعلق خبروں کو مسترد کردیا تھا۔ انہوں نے صحافیوں کو بتایا تھا کہ ’کوئی ملاقات نہیں ہوئی، مجھے پتہ نہیں کہ آپ کیا بتارہے ہو‘۔

نوجوت سنگھ سدھو کی پرینکا گاندھی سے ملاقات

سدھو کے دہلی دورہ سے قبل ان کے دفتر نے بتایا تھا کہ وہ راہل اور پرینکا گاندھی سے ملاقات کریں گے۔ پنجاب میں کانگریس پارٹی میں جاری اختلافات کو دور کرنے کےلیے راہل گاندھی نے پنجاب کے مختلف رہنماؤں سے ملاقات کی تھی۔