وزیرداخلہ امت شاہ نے مرکزی انفارمیشن کمیشن (آر ٹی آئی) کے 14ویں سالانہ کانفرنس سے خطاب کرتے ہوئے کہا کہ شفافیت اور جوابدہی یہ دونوں ایسے اعضا ہیں جس کی بنیاد پر ہی اچھی انتظامیہ اور گڈ گورننس دی جا سکتی ہے۔
انہوں نے کہا کہ شفافیت اور احتساب دونوں کو آگے بڑھانے کے لیے آر ٹی آئی ایکٹ نے بڑا تعاون کیا ہے۔
انہوں نے کہا کہ ملک میں ضروری تھا کہ لوگوں کا اعتماد حکومت اور نظام میں قائم ہو اور لوگوں کی شرکت بھی نظام کے اندر آئے۔
انہوں نے کہا کہ آزادی کے پہلے انتظامیہ کا مقصد اپنے آقاؤں کی خواہش کی تکمیل کرنا تھا، اس کی وجہ سے طویل عرصہ سے عوام اور انتظامیہ کے درمیان بڑی کھائی بن گئی تھی۔
وزیر داخلہ نے کہا 'میں مانتا ہوں کہ ہماری جمہوریت کے سفر میں آر ٹی آئی ایکٹ بہت بڑا سنگ میل ثابت ہوا ہے'۔
گزشتہ 14 برس میں آر ٹی آئی ایکٹ کی وجہ سے عوام اور انتظامیہ کے درمیان فرق کو مٹانے میں بہت مدد ملی ہے اور عوام کا انتظامیہ اور سسٹم کے تئیں اعتماد بھی مستحکم ہوا ہے۔