نوئیڈا: کورونا کیسز میں مسلسل اضافہ

لاک ڈاؤن میں کورونا وائرس پر خاطر خواہ قابو پانے کے بعد انلاک کے دوران نوئیڈا ضلع میں ایک بار پھر سے کورونا کے معاملات بڑھتے جا رہے ہیں۔

انلاک کے تحت رعایت ملنے کے بعد نوئیڈا میں کورونا وائرس کے مثبت کیسز میں ایک بار پھر سے اضافہ ہوتا جا رہا ہے اور آج ضلع میں کورونا کے 142 نئے متاثرہ کیس سامنے آئے ہیں۔

نئے معاملات کے بعد کورونا متاثرہ لوگوں کی کل تعداد 8204 ہو گئی ہے۔جبکہ اس دوران 92 افراد کورونا سے جنگ جیتنے میں کامیاب ہوئے اور انہیں ڈسچارج کر دیا گیا ہے۔

مجموعی طور پر اب تک 7038 مریض کورونا کو شکست دینے میں کامیاب ہوگئے ہیں۔ تاہم فعال مریضوں کی تعداد میں اضافہ ہوا ہے۔ فعال مریضوں کی تعداد 1114 ہے جبکہ اب تک 45 مریض کورونا وائرس کی وجہ سے زندگی سے ہاتھ دھو بیٹھے ہیں۔