شمالی کشمیر کے ضلع بارہمولہ کے سوپور قصبہ کے زنگیر براٹ کلان علاقے میں نقلی ادوایات کے چھڑکاؤ کرنے کی وجہ سے باغات کو کافی نقصان ہوا ہے۔
اس سلسلے میں ڈائریکٹر ہارٹیکلچر کشمیر اعجاز احمد بٹ نے علاقے کا دورہ کیا اور کسانوں کو بھروسہ دلایا کہ جو بھی کمپبی اس میں ملوث ہوگی اس کے خلاف سخت کارروائی کی جائے گی۔
مقامی لوگوں نے ذرائع ابلاغ کے ساتھ بات کرتے ہوئے بتایا کہ نقلی ادوایات سے ان کے باغات کو کافی نقصان ہو رہا ہے۔ انہوں نے بتایا کہ ہم نے کل چھڑکاؤ کیا اور کچھ ہی دیر میں سیب کے درخت اس سے جل گئے۔