آندھراپردیش:کارپوریشن چیئرمین نےسڑک پر ہنگامہ کیا

آندھراپردیش کے وڈیرا ویلفیر اینڈ ڈیولپمنٹ کارپوریشن کی صدرنشین ڈی ریوتی نے آج ضلع گنٹور کے منگل گری میں سڑک پر ہنگامہ آرائی کی۔

ٹول فیس کی وصولی کے مسئلہ پر انہوں نے ٹول گیٹ کے قریب اسٹاف سے بدکلامی کی۔انہوں نے کار سے اتر کر خودسے بیریکیڈز کو ہٹاتے ہوئے کار کیلئے راستہ بنایا۔وہ ٹول پلازہ اسٹاف پر کافی برہم نظر آرہی تھیں۔انہوں نے اسٹاف پر حملہ بھی کیا۔ان کا یہ ویڈیو سوشیل میڈیا کے مختلف پلیٹ فارمس پر تیزی کے ساتھ وائرل ہوگیا۔

اسٹاف نے بعد ازاں منگل گری رورل پولیس اسٹیشن میں تحریری شکایت درج کروائی جس کے بعد پولیس نے وہاں لگائے گئے سی سی ٹی وی کیمروں کے فوٹیج کی جانچ شروع کر دی۔