کولکاتا: بھارتی خواتین کرکٹ ٹیم کی آل راؤنڈر دیپتی شرما نے چارلی ڈین کے متنازع لیکن جائز رن آؤٹ پر کہا کہ رن آؤٹ سے پہلے ڈین کو کئی وارننگ دی گئی تھیں۔ بھارت اور انگلینڈ کے مابین تیسرے یک روزہ میچ میں میزبان انگلینڈ کو جب میچ جیتنے کے لیے 39 گیندوں پر 17 رنوں کی ضرورت تھی تب انگلش چارلی ڈین (47 رنز) نان اسٹرائیکر اینڈ پر کھڑی تھیں۔ اننگ کا 44 واں اوور پھینکنے کے دوراب بھارتی گیند باز دیپتی شرما نے چارلی ڈین کو کریز سے باہر نکلا ہوا پایا اور انہیں رن آؤٹ کرکے بھارت کو سیریز میں 3-0 کی جیت دلائی۔ دیپتی شرما نے اس واقعہ کے بارے میں بتایا کہ چارلی ڈین کو کئی بار وارننگ دینے کے بعد ایسا کرنے کا منصوبہ بنایا گیا تھا۔ India vs England ODI Series
دیپتی شرما نے کولکاتہ میں ٹیم کی آمد کے بعد نامہ نگاروں کو بتایا کہ 'یہ ایک منصوبہ تھا کیونکہ ہم نے انہیں پہلے ہی وقت سے پہلے کریز چھوڑنے کے لئے کئی بار خبردار کیا تھا۔ دیپتی نے کہا کہ ہم نے یہ قواعد و ضوابط کے مطابق کیا، ہم نے امپائروں کو بتایا تھا کہ وہ کریز سے باہر تھیں۔ ہم زیادہ کچھ نہیں کر سکتے تھے۔