اقوام متحدہ: اقوام متحدہ کے سکریٹری جنرل انتونیو گوٹریس نے شمال مغربی شام میں گولہ باری اور فضائی حملوں سمیت تشدد کے حالیہ واقعات پر تشویش کا اظہار کیا ہے، جس کی وجہ سے صوبہ ادلب میں بے گھر لوگوں کے کیمپوں اور قریب کے علاقوں میں شہریوں کی موت اور لوگ زخمی ہوئے ہیں۔Antonio Guterres On Syria
یو این سیکرٹری جنرل کی ایسوسی ایٹ ترجمان سٹیفنی ٹریمبلے نے بدھ کے روز کہا کہ گوٹریس نے تمام فریقوں سے زیادہ سے زیادہ تحمل کا مظاہرہ کرنے اور خراب صورتحال سے بچنے پر زور دیا ہے۔ انہوں نے پریس کانفرنس میں بتایا کہ گوٹریس نے امن کی اپیل کی اور سلامتی کونسل کی قرارداد 2254 کے مطابق ملک گیر جنگ بندی کی ضرورت پر زور دیا ہے۔ اسٹیفنی ٹریمبلے نے منگل کو کہا تھاکہ اس سال شمال مغربی شام میں کم از کم 121 شہری ہلاک اور 210 زخمی ہوئے ہیں۔