نئی دہلی:بھارت اور برطانیہ کے درمیان آزاد تجارت سمجھوتہ(ایف ٹی اے) کے بارے میں برطانیہ کے وزیر داخلہ کے بھارتیوں کے سلسلے میں نا مناسب الزاموں کو آج بھارت نے خارج کردیا اور کہا کہ بہتر ہوگا کہ اس سمجھوتے کو وزیر تجارت پر چھوڑ دیا جائے۔India On UK Home Secreratary
وزرات خارجہ کے ترجمان ارندم باگچی نے آج یہاں معمول کی بریفنگ میں ایف ٹی اے کو لے کر برطانوی وزیر کے بیان کو سرکاری بیان نہیں مانااورکہا کہ دونوں ممالک کے درمیان ایف ٹی اے پر بات چیت جاری ہے۔ دونوں طرف سے ایک ایسا سمجھوتہ جلد سے جلد کرنے کی خواہش ہے جو دونوں ملکوں کے لئے فائدہ مند ہو۔ اچھا ہوگا کہ ایسے موضوع کو دونوں ملکوں کے وزیر تجارت ہر چھوڑ دیا جانا چاہئے۔
بھارتیوں کے ویزا والے معاملے پر پوچھے ایک سوال پر کہا کہ سمجھوتہ اور ویزا دو الگ الگ موضوع ہیں اور ان کا آپس میں کوئی تعلق نہیں ہے۔ دونوں کی الگ الگ بنیاد ہیں۔
برطانیہ کی وزیر داخلہ سوئیلا بنریومین نے کہا تھا کہ آزاد تجارت سمجھوتے سے برطانیہ میں بھارتیوں کی بھیڑ بڑ ھ جائے گی۔محترمہ بریومین کے بیان کے بعد سے ہی بھارت سخت رخ اختیارکر رہا ہے۔