خطبے کے دوران منبر تک پہنچنے کی کوشش کرنے والا شخص گرفتار

سعودی عرب میں واقع دنیا بھر کے محترم مقام مکہ مکرمہ مسجد الحرام میں جمعہ کے روز خطبہ کے دوران ایک شخص نے منبر تک پہونچنے کی کوشش کی جسے سکیورٹی اہلکاروں ںے حراست میں لے لیا۔ پولیس کے مطابق ان کے خلاف قانونی کاروائی شروع کردی گئی ہے۔

سعودی عرب کے مسجد الحرام میں جمعے کے خطبے کے دوران منبر تک جانے کی کوشش کرنے والے شخص کو وہاں تعینات گارڈز نے گرفتار کرلیا۔

عرب نیوز کی رپورٹ کے مطابق پولیس نے ایک شخص کو گرفتار کیا ہے، جس پر الزام ہے کہ اس نے مسجدالحرام میں منبر پر امام تک پہونچنے کی کوشش کی تھی۔ الحرمین کی جانب سے ٹوئٹر پر دی گئی جانکاری کے مطابق جمعہ کے دن اس وقت ایک واقعہ پیش آیا جب جب مسجد الحرام کے منبر پر شیخ بلیلہ خطبہ دے رہے تھے تو ایک شخص نے منبر تک رسائی حاصل کرنے کی کوشش کی۔ پبلک سکیورٹی عہدیداروں نے فوری طور پر اس شخص کو قابو کرکے حراست میں لے لیا۔ پولیس کے مطابق مذکورہ شخص کے خلاف قانونی کارروائی شروع کردی گئی ہے۔