افغانستان میں 20 دہشت گرد ہلاک، 9 گرفتار

افغانستان کے بادغیس اور کندز صوبے میں افغان اسپیشل فورسز کی اکائیوں کی کارروائی میں 20 دہشت گرد مارے گئے جبکہ 9 کو گرفتار کرلیا گیا۔

صوبائی انتظامیہ نے سنیچر کو ایک بیان جاری کرکے بتایا کہ بادغیس صوبہ میں بالامرغاب ضلع میں سنیچر کی صبح سلامتی دستوں کی کارروائی میں 12دہشت ہلاک اور 8دیگر زخمی ہوگئے۔ بیان میں کہا گیا کہ دہشت گردوں کے خلاف کارروائی آگے بھی جاری رہے گی۔

کندز صوبہ کے خان آباد ضلع میں طالبانی دہشت گردوں کے خلاف سنیچر کی صبح ایسی ہی کارروائی میں آٹھ دہشت گرد مارے گئے اور سات دیگر زخمی ہوگئے۔ اس دوران کوئی سلامتی اہلکار یا عام شہری ہلاک یا زخمی نہیں ہوا۔

وزارت دفاع نے بتایا کہ غزنی صوبہ میں سلامتی دستوں کی کارروائی میں 9دہشت گرد گرفتار کئے گئے۔ ان میں جبول صوبہ کی راجدھانی کلات میں جمعرات کو ہوئے کار بم دھماکہ کے تین ساز ش کرنے والے بھی شامل ہیں۔ اس دھماکہ میں کم از کم 20لوگوں کی موت اور 93دیگر زخمی ہوئے تھے۔