امریکہ نے ایڈوائزری جاری کرتے ہوئے کہا ہے کہ ریاستہائے متحدہ امریکہ کے ہر طرح کے جہاز پاکستان کے فضائی حدود میں پرواز کرنے سے گریز کریں۔
امریکہ نے یہ فیصلہ حفاظتی اقدام کے پیش نظر کیا ہے۔ امریکہ کو اندیشہ ہے کہ پاکستان کے فضائی حدود میں کسی طرح کی سرگرمی سے شدت پسندوں کے نشانے کا شکار ہونا پڑ سکتا ہے۔
ایڈوائزری میں لکھا گیا ہے کہ کم اونچائی والے جہازوں کو عسکریت پسندوں کی جانب سے حملے کا خطرہ ہو سکتا ہے۔ خاص طور پر ایسی پروزیں جو ٹیک آف کر رہی ہوں یا لینڈ کر رہی ہوں۔
امریکہ کا مزید کہنا ہے کہ پاکستان میں سرگرم شدت پسند تنظیمیں، اور عسکریت پسندوں کی سرگرمیاں امریکی جہازوں کے لیے خطرہ ہیں۔ حالانکہ فی الحال پاکستانی عسکریت پسندوں کی جانب سے امریکی جہازوں پر حملے نہیں ہوئے ہیں۔
خیال رہے کہ اس سے قبل بھی اسی طرح کی ہدایت ایرانی فضائی حدود سے متعلق بھی جاری کی گئی تھی، جس میں امریکہ نے کہا تھا کہ امریکہ جہازوں کو ایران کے فضائی حدود میں پرواز کرنے سے گریز کرنی چاہئے۔