پولیس نے بتایا کہ یہ حادثہ پیر کے روز مقامی وقت کے مطابق صبح 12:30 بجے منیلا سے 278 کلومیٹر جنوب مشرق میں واقع تگکاواین شہر میں اس وقت پیش آیا جب نو مسافر کو لے کر جنوب کی جانب جارہی ایک وین مخالف سمت سے آرہے ٹرک سے ٹکرا گئی۔
فلپائن: وین اور ٹرک کے درمیان تصادم میں چھ افراد ہلاک
فلپائن کے صوبہ کوزون میں واقع شاہراہ پر ایک وین اور ٹرک کے درمیان تصادم کے نتیجے میں چھ افراد ہلاک اور دیگر تین زخمی ہوگئے۔ پولیس نے یہ اطلاع منگل کو دی ہے۔
Road accident
پولیس رپورٹ کے مطابق اس حادثے میں وین کے ڈرائیور سمیت تین افراد کی موقع پر ہی موت ہوگئی جبکہ دیگر تین لوگوں نے اسپتال میں دم توڑ دیا۔
پولیس نے بتایا کہ وین کے دیگر تین مسافروں کو شدید چوٹ آئی ہیں جبکہ ٹرک ڈرائیور اور اس میں سوار تین مسافروں کو کوئی چوٹ نہیں آئی۔
پولیس حادثے کی تحقیقات کر رہی ہے۔
یو این آئی