فلپائن کی بھارت پر سفری پابندی میں 31 اگست تک اضافہ

فلپائن نے کورونا کے ڈیلٹا ویریئنٹ کے بڑھتے معاملات کے پیش نظر بھارت سمیت 9 دیگر ممالک سے آنے والے مسافروں کے لئے سفری پابندیوں کی معیاد میں 31 اگست تک اضافہ کردیا ہے۔ صدر کے ترجمان ہیری روک نے جمعہ کو یہ اطلاع دی۔

فلپائن نے بھارت کے علاوہ جن ممالک پر سفر کی پابندی نافذ کی ہے، ان میں تھائی لینڈ، انڈونیشیا، پاکستان، نیپال، بنگلہ دیش، سری لنکا، عمان اور متحدہ عرب امارات شامل ہیں۔

وہیں وطن واپسی کے پروگرام کے تحت دیگر ممالک میں کام کرنے والے اپنے ملازمین کو وطن واپس لوٹنے کی اجازت دی گئی ہے، لیکن یہاں آنے پر ان کے لئے 14 دنوں کا کوارنٹائن لازمی ہوگا۔

Philippines

فلپائن میں اب تک کورونا انفیکشن کے 10.7 لاکھ سے زیادہ معاملات سامنے آئے ہیں، وہیں 29539 لوگ ہلاک ہو چکے ہیں۔ ان میں ڈیلتا ویریئنٹ کے 627 معاملات ہیں اور اس کے انفیکشن سے 11 لوگوں کی موت ہوئی ہیں۔

(یو این آئی)