نیپال حکومت نے سبھی غیر ملکی شہریوں کا ویزا معطل کردیا

کرونا وائرس سے نمٹنے کے لئے نیپالی حکومت نے کئی اقدامات کئے ہیں جن میں سبھی ممالک کے شہریوں کا نیپال آنے کا ویزا عبوری طور سے ملتوی کردیا ہے اور ماؤنٹ چومولنگما سمیت سبھی طرح کے کوہ پیما مہموں پر پابندی عائد کرنا بھی شامل ہے۔نیپالی حکومت کے ایک سینئر افسر نے یہ اطلاع دی۔

وزارت صحت نےبتایا کہ نیپال میں جمعرات کو کرونا وائرس کا پہلا معاملہ درج کیا گیا ہے اور متاثرہ شخص علاج کےبعد صحت مند ہے۔

وزارت کے ترجمان وکاس ڈیوکوٹا نے جمعہ کو بتایا کہ ’’حکومت نے سبھی ممالک کے شہریوں کا نیپال آنے کا ویزا اپریل کے آخر تک عبوری طور سے ملتوی کردیا ہے۔ ویزا ملتوی کرنے کی ابتدا سنیچر سے ہوگی۔

اس سے پہلے نیپال نے کرونا سے متاثر چین، جنوبی کوریا، جاپان، ایران، اٹلی،اسپین، جرمنی اور فرانس سمیت آٹھ ممالک کے شہریوں کا ویزا ملتوی کردیا تھا۔

نیپال کے ڈپٹی وزیراعظم اور وزیر دفاع ایشور پوکھریال کی قیادت میں تشکیل ایک اعلی سطحی کوآرڈی نیشن کمیٹی نے جمعرات کو دیر رات کرونا سے نمٹنے کا فیصلہ کیا۔