5 بڑے ممالک میں فضائی آلودگی سے ڈیڑھ لاکھ سے زائد ہلاکتیں

دنیا کے پانچ بڑے ممالک میں گذشتہ سال فضائی آلودگی سے تقریبا 1 لاکھ 60 ہزار افراد ہلاک ہوئے ہیں۔

ماحولیاتی گروپ گرین پیس ساوتھ ایسٹ ایشیا کی رپورٹ کے مطابق گزشتہ سال فضائی آلودگی کا بدترین شکار شہر ہندوستان کا دارالحکومت نئی دہلی رہا جہاں فضائی آلودگی کےسبب تقریبا 54 ہزار افراد موت کے منہ میں سما گئے۔

کورونا وائرس کے سبب عائد لاک ڈاؤن بھی بڑے شہروں میں فضائی آلودگی کم کرنے میں مددگار ثابت نہیں ہوسکے۔

ٹوکیو میں فضائی آلودگی 40 ہزار افراد کی موت کا سبب بنی جبکہ شنگھائی، ساؤپولواور میکسیکو سٹی بھی آلودگی کاشکار پانچ بدترین شہروں میں شامل ہیں۔

ماحولیاتی گروپ کا کہنا ہے کہ فضا کو صاف رکھنے کیلئے حکومتوں کو نئے ’کول پلانٹ ‘ بند کر کے ہوا اور شمسی جیسی صاف توانائی کی پیداوار میں انویسٹمنٹ کرنی چاہئے۔

یو این آئی