افغانستان پر طالبان کے قبضے کے بعد سے کابل میں ایندھن کی بڑھتی ہوئی قیمتوں کی وجہ سے مقامی باشندوں کو مسائل کا سامنا ہے۔
مقامی باشندوں نے طلوع نیوز کو بتایا کہ پچھلے ہفتے کے دوران گیس 15 افغان کرنسی فی کلوگرام اور تیل چار افغان کرنسی فی لیٹر تک بڑھ گیا ہے۔ مقامی باشندوں نے حکام سے ایندھن کی قیمتوں کو کنٹرول کرنے کی اپیل کی ہے۔
انہوں نے بتایا کہ اس وقت کابل میں ایک کلو گیس کی قیمت 75 افغانی کرنسی ہے۔ کابل کے رہائشی عبدالقیوم نے طلوع نیوز کو بتایا کہ جو شخص روزانہ کام کرکے تھوڑا بہت کماتا ہے ، وہ ایک کلو گیس کیسے خرید سکتا ہے۔ کوئی کام نہیں ہے اور قیمتیں بڑھ رہی ہیں۔
میر واعظ، ایک دکاندار نے بتایا کہ ہم 65 افغانی کرنسی میں فی کلو گیس خرید رہے ہیں اور اسے 75 افغانی کرنسی میں فروخت کر رہے ہیں۔