دنیا میں اب تک 374.2 کروڑ سے زیادہ لوگ کورونا وائرس کی وبا سے متاثر ہو چکے ہیں، جب کہ اس کے جان لیوا وائرس سے 56.62 لاکھ سے زیادہ مریضوں کی موت ہو چکی ہے۔ ساتھ ہی دنیا بھر میں اب تک 9.96 ارب سے زیادہ افراد کو ویکسین Coronavirus vaccine کی خوراکیں دی جا چکی ہیں۔
امریکہ کی جان ہاپکنز یونیورسٹی Johns Hopkins University in the United States کے کورونا وائرس ریسورس سینٹر کی جانب سے جاری کردہ تازہ ترین اعداد و شمار کے مطابق دنیا بھر میں کورونا وائرس سے متاثرہ افراد People infected with the corona virus کی مجموعی تعداد 374,279,678 اور ہلاکتیں 56,62,611 تک جا پہنچی ہیں۔
دنیا بھر میں کورونا وائرس کے سب سے زیادہ کیسز کے ساتھ امریکہ سرفہرست ہے جہاں اب تک 7.43 کروڑ سے زائد افراد اس وبا سے متاثر اور 8 لاکھ 84 ہزار 223 افراد لقمہ اجل بن چکے ہیں۔
اس وبا سے متاثر ہونے کے معاملے میں بھارت دوسرے نمبر پر ہے، جہاں ہفتہ کی صبح گزشتہ 24 گھنٹوں میں کووڈ وائرس کے دو لاکھ 9 ہزار 918 نئے مریض رپورٹ ہوئے ہیں۔ ملک میں کورونا کے ایکٹیو کیسز کی کل تعداد بڑھ کر 18 لاکھ 31 ہزار 268 ہو گئی ہے۔ یہ متاثرہ کیسز کا 4.43 فیصد ہے۔ یومیہ کیسز کی شرح 15.77 فیصد تک پہنچ گئی ہے، اب تک مجموعی طور پر تین کروڑ 89 لاکھ 76 ہزار 122 افراد کووڈ سے صحت یاب ہو چکے ہیں اور یہ شرح 94.37 فیصد ہے۔ اس کے ساتھ ہی 959 لوگوں کی موت کی وجہ سے مرنے والوں کی تعداد 4,95,050 ہو گئی ہے۔ ملک میں اس وقت اموات کی شرح 1.20 فیصد ہے۔
برازیل کورونا وائرس سے متاثر ہونے کے معاملے میں دنیا میں تیسرے نمبر پر پہنچ گیا ہے۔ اس ملک میں اب تک 2.5 کروڑ سے زیادہ لوگ کورونا وائرس کی زد میں آ چکے ہیں اور اس جان لیوا سے اب تک 6,27,124 افراد ہلاک ہو چکے ہیں۔
فرانس کورونا کیسز کے لحاظ سے دنیا میں چوتھے نمبر پر ہے۔ اس ملک میں اب تک 1.78 کروڑ سے زیادہ لوگ اس مہلک وائرس سے متاثر اور اب تک 1,31,576 مریض ہلاک ہوچکے ہیں۔
برطانیہ کورونا کیسز کے معاملے میں پانچویں نمبر پر ہے جہاں اب تک تقریباً 16.5 کروڑ لوگ اس وبا سے متاثر جب کہ ہلاکتوں کی تعداد 1,56,222 تک پہنچ گئی ہے۔