وسطی افریقی ملک کانگو کے مائی دومبے صوبے کے گاؤں لونگولا ایکوٹی میں ایک مسافر بردار کشتی ڈوبنے سے 60 افراد ہلاک ہوگئے ہیں اور سیکڑوں لاپتہ بتائے جارہے ہیں۔
تقریبا 700 افراد کو لیکر جانے والی مسافر بردار کشتی رات کے وقت حادثے کا شکار ہوکر ڈوب گئی جس کے بعد اب تک 60 ہلاکتوں کی تصدیق ہوچکی ہے۔
حکام کے مطابق، کشتی کے حادثے میں 300 افراد کی جان بچ گئی ہے جبکہ دیگر افراد کے بارے میں حتمی معلومات حاصل نہیں ہوسکیں ہیں۔
یہ جہاز دارالحکومت کنشاسا سے روانہ ہوا تھا اور صوبہ استوا کی طرف جارہا تھا۔