ادھم پور: میٹاڈور پلٹنے سے 8 مسافر زخمی

ادھم پور میں ایک میٹا ڈور کے پلٹنے کی وجہ سے 8 مسافر معمولی طور سے زخمی ہوگئے۔ تمام زخمیوں کو سب ڈسٹرکٹ اسپتال رام نگر میں داخل کروایا گیا ہے۔

جموں و کشمیر کے ضلع ادھم پور کےتحصیل رام نگر میں میٹا ڈور پلٹ گئی۔ اس حادثہ میں مسافروں کو معمولی چوٹ آئی ہے۔ اہم بات یہ رہی کہ حادثے میں کوئی جانی نقصان نہیں ہوا۔ تمام مسافروں کو علاج کے لیے سب ڈسٹرکٹ اسپتال رام نگر میں داخل کرایا گیا ہے۔

اطلاع کے مطابق یہ منی بس میٹا ڈور روزمرہ کی طرح سواریاں لے کر کیلا موڈ سے رام نگر آرہی تھی اور راستے میں ہی یہ حادثہ کا شکار ہوگئی۔ اس میں تقریباً 15 مسافر سفر کر رہے تھے۔ جن میں سے 8 مسافروں کو چوٹیں آئی ہیں۔

ان زخمی مسافروں کو مقامی لوگوں کی مدد سے سب ڈسٹرکٹ اسپتال رام نگر میں داخل کروایا گیا ہے۔

حادثے کی جگہ پر موجود چشم دیدوں کے مطابق منی بس کا ایکسل توڑنے کے سبب یہ حادثہ پیش آیا۔ غنیمت رہی کہ اس حادثے میں کوئی جانی نقصان نہیں ہوا۔