جنوبی کشمیر کے سب ضلع ترال سے دودھ کلن جانے والی سڑک کی خستہ ہالی سے تنگ آکر لرگام کی آبادی نے ایک خاموش احتجاج کیا۔ مظاہرین کا کہنا تھا کہ 'سڑک کی خستہ حالی کے سبب علاقے کے لوگ کافی پریشان ہیں، لیکن انتظامیہ کی جانب سے سڑک کی تجدید ومرمت کے لیے اقدامات نہیں کیے جارہے ہیں، جس کی وجہ سے ایک وسیع آبادی کو مشکلات کا سامنا ہے۔
انہوں نے بتایا کہ اگر محکمہ آر اینڈ بی، یا پی ایم جی ایس وائی کے تحت اس سڑک کو میکڈمائز کیا جاتا تو لوگوں کو بڑی حد تک راحت مل جاتی، لیکن ایسا نہیں کیا جارہا ہے۔ انہوں نے مطالبہ کیا ہے کہ 'اس سڑک کی تجدید ومرمت کے لیے فوری اقدامات کیے جائیں۔