مسٹر یادو نے ہفتہ کو پارٹی کے ریاستی صدر ڈاکٹر سنجے جیسوال، دہلی بی جے پی کے سابق صدر و رکن پارلیمنٹ منوج تیواری اور قومی ترجمان سنجے پرکاش اور سنجے میوکھ کی موجودگی میں اسمبلی انتخابات کے سلسلے میں مودی لہر گیت اور ایک کمل ویب سائٹ کا افتتاح کرنے کے بعد پریس کانفرنس میں کہا کہ مسٹر پاسوان نہ خود دھوکہ میں رہیں اور نہ ہی لوگوں کو الجھن میں مبتلاکریں کہ وہ این ڈی اے میں ہیں۔
ایل جے پی این ڈی اے کا حصہ نہیں ہے: بھوپیندر
پٹنہ: بہار بھارتیہ جنتا پارٹی(بی جے پی)کے انچارج و قومی جنرل سکریٹری بھوپیندریادو نے ایک مرتبہ پھر سے واضح کیا کہ لوک جن شکتی پارٹی(ایل جے پی) کے صدر چراغ پاسوان این ڈی اے کا حصہ نہیں ہیں۔
انہوں نے کہا کہ اب مسٹر پاسوان چاہے جو بھی کہیں وہ پورے طور پر این ڈی اے کے ساتھ نہیں ہیں۔ بی جے پی کے قومی جنرل سکریٹری نے کہا کہ این ڈی اے کی جانب جنتادل یونائیٹڈ(جے ڈی یو)کے قومی صدر نتیش کمار وزیراعلیٰ کے امیدوار ہیں اور پھر سے مسٹر کمارہی وزیراعلیٰ بنیں گے۔
ایل جے پی صدر مسٹر پاسوان کو پہلے اپنا گھر سنبھالنا چاہیے۔ انہوں نے مسٹر چوہان کے چچا اور حاجی پور(محفوظ)سے رکن پارلیمنٹ پشوپتی کمار پارس کا نام لیے بغیر اشاروں میں کہا کہ انہیں پہلے اپنے چچا کو سنبھالنا چاہیے جو ان کے حالیہ سیاسی فیصلے کے خلاف ہیں۔