ریاست جموں و کشمیر کے محمکہ باغبانی کے ڈائریکٹر اعجاز احمد بٹ نے آج ضلع شوپیاں کا دورہ کرکے شجرکاری مہم کا جائزہ لیا۔
اس دورے کے دوران اعجاز احمد بٹ نے بادم باغ بٹہ پورہ شوپیان میں باغبانی کی نرسری میں پودا لگا کر شجر کاری مہم کا افتتاح کیا۔
اس موقع پر اعجاز احمد نے کہا کہ پودے لگانا نہ صرف صدقہ جاریہ ہے، بلکہ یہ ماحول کو خوشگوار بنانے کا اہم ذریعہ ہے۔
انہوں نے ضلع کے کسانوں سے اپیل کی وہ اپنی زمینوں پر زیادہ سے زیادہ درخت لگائیں اور ماحول کو سر سبز بنانے کے لیے اہم کردار ادا کریں۔
انہوں نے محکمہ باغبانی کے افسران کو ہدایت کی کہ وہ عوام کو میوہ باغات قائم کرنے کے حوالے سے معلوامات فراہم کرائیں۔
انہوں نے افسران کو مشورہ دیا کہ وہ کیڑے مارنے والی دوائیں، کھادوں کی کی جانچ پڑتال کرنے میں تیزی سے اضافہ کریں، تاکہ ایک عام کسان نقلی کھاد اور کیڑے مارنے والے دوائیوں کی فروخت کرنے والوں کے نیٹ ورک میں پھنس نہیں سکیں۔
انہوں نے اعلی قسم کے نئے سیب کے پودے لگانے پر بھی زور دیا، جس سے لوگوں کی آمدنی میں اضافہ ہو سکے اور بین الاقوامی سطح اسے قبولیت حاصل ہو۔