مرادآباد حج ٹرینر مختار اسلم نے بتایا کہ ان دنوں عازمین حج کے ٹریننگ پروگرام منعقد کیے جاتے تھے لیکن حج کمیٹی آف انڈیا کی جانب سے حج کے کینسل فارم جاری کرنے اور عازمین حج کی رقم واپس کرنے کے اعلان کو دیکھتے ہوئے ایسا محسوس ہو رہا ہے کہ اس سال عازمین سفرحج نہیں کر سکیں گے۔
میڈیا سے بات چیت کے دوران حج ٹرینرنے بتایا کہ جو لوگ اپنی رقم واپس لینا چاہتے ہیں وہ لے سکتے ہیں لیکن جو عازمین حج اپنی رقم واپس نہیں لینا چاہتے ان کے لیے کیا حکم ہے اس بات کا خلاصہ نہیں کیا گیا ہے۔ آپ کو بتا دیں کی اس سال ریاست اتر پردیس سے28 ہزار سے زیادہ عازمین حج پر جانے والے تھے حالانکہ یہ تعداد پچھلے سال کے مطابق کافی کم ہے۔ اس سال کورونا وائرس کی بیماری کی وجہ سے ابھی حج سفر کی پوری تیاریاں روکی ہوئی ہیں اور سعودی عرب حکومت کے بیان کا انتظار کیا جارہا ہے واضح ہو کہ حج کمیٹی آف انڈیا کی جانب سے کہا گیا ہے کہ حج 2020 سے متعلق سعودی حکم کے ساتھ کوئی بات چیت نہیں ہوئی ہے اس لئے جو عازمین حج اپنے سفر کو منسوخ کرنا چاہتے ہیں انہیں ادا کی گئی رقم کا سو فیصد واپس کیا جائے گا۔