دفتر کھولنے کے حکم کے باوجود مرادآباد میونسپل کارپوریشن میں تالہ بند

مرادآباد میونسپل کارپوریشن میں 10:30 بجے دن تک تالہ بند ہے، جبکہ حکومت نے تین شفٹ میں 50 فیصد ملازمین کے ذریعے کام کو یقینی بنانے کا حکم جاری کیا تھا لیکن حکومت کے آرڈرز کو بالائے طاق رکھتے ہوئے ملازمین اپنی من مانی کر رہے ہیں۔

ریاست اترپردیش حکومت نے ملازمین کو ڈیوٹی پر آنے کے لئے سرکاری دفاتر میں تین شفٹ میں پچاس فیصد ملازمین کی موجودگی کے ساتھ 26 مئی سے تمام سرکاری دفاتر کھولنے کا حکم دیا تھا۔

مراد آباد میونسپل کارپوریشن کے بیشتر محکموں میں صبح دس بجے تالا لٹکا ہواتھا، کچھ دفتر کھلے تھے تو وہاں بھی خالی کرسیاں تھیں۔

میونسپل کارپوریشن میں مختلف ضرورت کے سبب آئے لوگ ادھر ادھر بھٹکتے دیکھے گئے۔جب کہ حکومت نے 50 فیصد ملازمین کی موجودگی کے ساتھ دفتر کھولنے کا حکم دیا ہے۔

ویڈیو میں صاف طور پر دیکھا جا سکتا ہے کہ کارپوریشن کے ملازمین سرکاری آرڈرز کا کتنا خیال رکھتے ہیں۔ اس محکمے کی حالت یقینا قابل افسوس ہے کیونکہ اس محکمہ پر ایک بڑی ذمہ داری عائد ہوتی ہے۔