در اصل گذشتہ دنوں اترپردیش کے مختلف مقامات مہاجر مزدور ریل حادثے کا شکار ہوگئے تھے، جس کے بعد انتظامیہ نے ریلوے ٹریک پر مستعد بڑھادی ہے۔
بجنور پولیس ریلوے ٹریک پر مستعد
ریاست اترپردیش اور اتراکھنڈ کے سرحد پر واقع ضلع بجنور میں یوپی پولیس نے حالیہ حادثے کے بعد مہاجر مزدوروں کو روکنے کے لیے ریلوے ٹریک پر مستعدی بڑھادی ہے۔
اس ضمن میں بجنور ضلع کے تھانہ نجیب آباد کے جعفرا چوکی کے ریلوے ٹریک پر پولیس اہکاروں کی ڈیوٹی لگائی گئی ہے۔
خیال رہے کہ گذشتہ دنوں اترپردیش کے آگرہ، کشی نگر، اوریہ، میں ریلوے ٹریک سے گزر رہے مہاجر مزدور ٹرین حادثے کا شکار ہوگئے تھے، اسی کے مد نظر بجنور پولیس کے افسران نے 17 مئی سے 24 مئی تک شفٹ وار 24 گھنٹے ریلوے ٹریک پر پولیس اہکاروں کی ڈیوٹی لگائی ہے۔ تا کہ بجنور میں مہاجر مزدور ٹرین حادثہ کا شکار نہ ہو پائے۔ اگر اسی دوران کوئی مزدور ریلوے پٹریوں سے گزرتا ہوا نظر آئے تو اسے فوری طور پر قرنطین کرایا جائے گا۔