ریاست اتر پردیش میں کورونا کی دوسری لہر سے اس کے مریضوں کی تعداد میں اضافے کو دیکھتے ہوئے زیادہ متاثر والے شہروں میں وزارت آیوش کی جانب سے آیوش 64 دوائی مہیا کرائی جارہی ہے۔ ہوم آئسولیشن میں زیر علاج ان مریضوں کی تصدیق کر ان کو یہ دوائی مفت دستیاب کرائی جا رہی ہے۔
میرٹھ: کورونا مریضوں کے لئے آیوش 64 دوائی کی تقسیم
کورونا انفیکشن سے متاثر مریضوں کے لئے وزارت آیوش کی جانب سے آیوش 64 دوائی مہیا کرائی جا رہی ہے جوکہ کورونا مریضوں کی قوت مدافعت کو بڑھا کر ان کو جلد صحت یاب بنانے میں مددگار ثابت ہو گی۔ میرٹھ کے شنکر آشرم میں بنائے گئے سینٹر پر یہ دوائی مفت دی جا رہی ہے۔
میرٹھ کے شنکر آشرم میں وزارت آیوش کی جانب سے بنائے گئے سینٹر پر یہ دوائی کورونا مریضوں کے تیمارداروں کو مفت دی جا رہی ہے۔ ان کا کہنا ہے کہ یہ دوائی دوسری دوائیوں کے مجر اثرات کو ختم کرنے کے ساتھ کورونا مریض کی قوت مدافعت کو بڑھانے میں بھی مددگار ثابت ہوگی۔
میرٹھ کورونا وبا سے متاثر ہونے والے شہروں میں سرفہرست رہا ہے۔ ایسے میں وزارت آیوش کی جانب سے کچھ ہی شہروں میں یہ دوائی مفت مہیا کرائی گئی ہے ایسے میں امید کی جا سکتی ہے کہ یہ دوائی کورونا مریضوں کے لئے سوغات ثابت ہوگی۔