ریاست اترپردیش کی بجنور لوک سبھا سیٹ سے بی ایس پی کے رکن پارلیمان ملوک نا گر کی تلاش میں کسی نامعلوم افراد نے 'گمشدہ کی تلاش' کے پوسٹر ہر گلی محلے کی دیواروں پر آویزاں کر دیے ہیں۔
آپ کو بتادیں کہ سنہ 2019 کے انتخابات میں بجنور سے کامیابی کے بعد رکن پارلیمان بجنور پلٹے ہی نہیں ہیں جس کے سبب بجنور کی عوام نے 'گم شدہ کی تلاش' کے اشتہار چسپاں کیے ہیں۔
ضلع بجنور کے گلی محلے کی دیواروں پر لگی اس پوسٹر پر لکھی عبارت کچھ اس طرح ہے کہ 'گمشدہ کی تلاش' ایم پی ملوک نگر بجنور اگر مل جائیں تو براہ کرم بجنور کی عوام کو مطلع کیا جائے۔
اس اشتہار کو کس نے لگایا یہ کسی کو معلوم نہیں ہے لیکن اس علاقے کے ایک مقامی رہائشی سے پوسٹر چسپاں کی حقیقت جاننے کی کوشش کی گئی، تو انہوں نے بتایا کہ ملوک ناگر جب سے بجنور کے رکن پارلیامان بنے ہیں تب سے اب تک وہ بجنور نہیں آئے اور نہ ہی بجنور کی ترقی ہوئی اور نہ ترقی کے بارے میں انہوں نے سوچا۔
بجنور کی عوام نے گمشدگی کے پوسٹر چسپاں کئے ہیں یہ قابل ذکر بات ہے کہ سنہ 2019 میں بی ایس پی کے ٹکٹ پر ملوک ناگر نے بجنور لوک سبھا سیٹ سے کامیابی حاصل کی تھی۔