قومی دارالحکومت دہلی میں اسمبلی انتخابات کے پیش نطر عام آدمی پارٹی نے الیکشن کمیشن کو ایک تحریر کے ذریعے مرکزی وزیر داخلہ امت شاہ کو دہلی میں 48 گھنٹے انتخابی مہم چلانے پر پابندی عائد کرنے کی اپیل کی ہے۔
عاپ نے اس تحریر کے ذریعے وزیر داخلہ اور پارٹی کے اراکین پر یہ الزام عائد کیا ہے کہ وہ اپنی تشہیری مہم کے ذریعے دہلی کے سرکاری اسکولز، طلبا و اساتذہ کے تعلق سے غلط بیانیاں کر رہے ہیں۔
واضح رہے کہ گذشتہ دنوں وزیر داخلہ نے ایک ریلی سے خطاب میں دہلی سرکاری اسکولز و طلبا کے تعلق سے مبینہ طور پر کچھ جملے کہے تھے جس کے بعد اروند کیجریوال نے اس بابت ان کی سخت مذمت کر تے ہوئے کہا تھا کہ' وزیر داخلہ مجھے اور پارٹی کو گالی دینی ہے دیں مجھے برا نہیں لگے گا۔ لیکن سرکاری اسکولز کے طلبا و اساتذہ اور ان کے والدین کو کچھ نہ کہیں ان بچوں کے والدین اور اساتذہ نے بہت محنت کی ہیں۔
عاپ کی جانب سے دیے گئے تحریر میں مزید یہ بھی کہا گیا ہے کہ' پچھلے پانچ برسوں میں عاپ حکومت نے دہلی کے نظام تعلیم میں جو انقلابی تبدیلیاں کی ہیں اسے پوری دنیا نے تسلیم کیا ہے'۔
مرکزی حکومت کا جو دعوہ کیا ہے کہ 'عام آدمی پارٹی حکومت نے دہلی کے سرکاری اسکولز کی بہتری کے لئے کچھ نہیں کیا ہے۔' اس کے جواب میں اروند کجریوال نے شاہ کو اپنے ساتھ دہلی کے سرکاری اسکولوں کا دورہ کرنے کی دعوت دی۔