ریاست بہار کے ضلع دربھنگہ میں 'انصاف منچ' کے درجنوں کارکنان نے لہیریا سرائے واقع متھلا علاقے کے آئی جی اجیتابھ کمار کے دفتر کے سامنے احتجاج کیا۔
احتجاجیوں نے ضلع پریشد رکن جمال اطہر رومی کی ہلاکت کے قصور وار ڈاکٹروں پر کاروائی اور منی گاچھی تحصیل کے راگھوپور مغربی پنچایت کے مکھیا کے شوہر ریاض الدین قتل کے معاملے کے سازش کرنے والوں پر کاروائی اور پنچایت سمیتی ممبر کے قتل معاملے میں قصور واروں کی گرفتاری کا مطالبہ کیا۔
دربھنگہ پولیس نے احتجاج کو روکنے کے لیے سخت حفاظتی انتظامات کیا تھا۔ اس احتجاج کی قیادت کر رہے انصاف منچ کے نائب صدر نیاز احمد نے کہا کہ' ہم لوگوں کے احتجاج کو پولیس نے آئی جی دفتر سے کچھ دوری پر روک دیا وہیں آئی جی نے ہمارے ٹیم کے کارکنان سے مذکورہ مسائل پر مذاکرات کیا ہے۔