این آئی اے کی تمل ناڈو میں چھاپے

قومی تفتیشی ایجنسی (این آئی اے) نے دولت اسلامیہ سے متاثر ممنوعہ گروپ کی جانچ کے سلسلے میں جمعرات کے روز تمل ناڈو کے متعدد مقامات پر چھاپے مارے ہیں۔

ایجنسی کے مطابق یہ شدت پسند گروپ بھارت میں مبینہ طور پر سخت گیر قوانین نافذ کرنے کا ارادہ رکھتا ہے، اور یہ اندیشہ بھی ظاہر کیا جارہا ہے کہ مذکورہ گروہ منصوبہ بند طریقے سے ملک کے کئی مقامات پر حملے کرنے کی سازش کررہا تھا'۔

ابتدائی اطلاعات کے مطابق این آئی اے کی کارروائی آج صبح کویمبٹور ضلع کے دو مقامات، ناگپٹنم ضلع لے ناگور، تھوتھوکنڈی ضلع کے کیال پٹنم اور شیوگنگا ضلع کے الاین کنڈ میں شروع ہوئی۔

یہ کارروائی انتہا پسند تنظیم دولت اسلامیہ ’انصاراللہ‘ سے متعلق تمل ناڈو سے گرفتار کچھ لوگوں سے تعلق رکھنے والے مشتبہ لوگوں کے گھروں میں ہوئی ہے۔

این آئی اے نے ناگور میں چھاپہ مارنے کے بعد محمد اجمل نام کے ایک شخص کو پوچھ گچھ کےلئے حراست میں لیا ہے۔ آخری اطلاع ملنے تک تلاشی مہم جاری تھی۔