نوح میوات میں کورونا کے مریض صحتیاب

ریاست ہریانہ کے نوح میوات ضلع میں کورونا وائرس سے متاثر دو افراد صحتیاب ہوئے ہیں۔

اس طرح اب ضلع میں محض 6 ایکٹیو کیس باقی رہ گئے۔محکمہ صحت کی طرف سے جاری تازہ اعدادوشمار کے مطابق اب یہ لگنے لگا ہے کہ محکمہ صحت، ضلع انتظامیہ اور مذہبی رہنماؤں کے ذریعہ کی گئی شعور بیداری اب رنگ لانے لگی ہے۔

ایک ہفتہ میں کورونا وائرس سے متاثر دودرجن افراد صحت یاب ہوئے ہیں۔اور نئے معاملوں پر لگام لگی ہے۔اور دو ہفتوں میں محض ایک مثبت کیس سامنے آیا ہے۔کل ملا کر ضلع میں اب تک 58 کورونا کے مثبت کیسز آئے ہیں جن میں سے 52 کورونا کو ہراکر صحتیاب ہو چکے ہیں۔

اور اب محض 6 کیس ہی مثبت باقی رہ گئے ہیں۔اسی کا نتیجہ ہے کہ نوح ضلع ریڈ زون سے نکل کر اورینج زون میں شامل ہوگیا ہے۔ بتایا گیا کہ 138 رپورٹ مزید کل آنے والی ہیں۔