ہاتھرس سانحہ: انصاف کے لیے کینڈل مارچ

ضلع اجمیر میں والمیکی سماج کے علاوہ دیگر سماج کے نمائندوں نے ہاتھرس سانحہ کے متعلق کینڈل مارچ نکال کر یوپی حکومت کے خلاف نعرے بازی کی

ریاست راجستھان کے ضلع اجمیر میں والمیکی سماج کے علاوہ دیگر سماج کے نمائندوں نے ہاتھرس سانحہ میں متاثرہ کو انصاف دلانے کے لیے کینڈل مارچ نکالا۔

کینڈل مارچ کے دوران لوگوں نے یوپی حکومت کے خلاف نعرے بازی کی اور یوگی کا تاناشاہ قرار دیا۔ کینڈل مارچ اجمیر کے رام باغ سے شروع ہوا اور سرکل پر ختم ہوا۔

خیال رہے کہ 14 ستمبر کو ہاتھرس میں 19 سالہ دلت لڑکی کے ساتھ عصمت دری کا واقعہ پیش آیا تھا۔ متاثرہ پر تشدد بھی کیا گیا تھا، جس کے بعد طویل علاج کے بعد اس کی دہلی کے صفدرجنگ اسپتال میں موت ہو گئی۔ اس کے بعد یوپی پولیس نے رات کے اندھیرے میں لڑکی کی آخری رسومات ادا کر دی تھیں۔