ووٹنگ کے تعلق سے ممبئی کا رجحاں اچھا نہیں رہا ہے

ممئی کے لوگ گرمائی تعطیل کا بہانہ بناکر ہر بار انتخابات سے دور رہتے تھے، کیا اس بار رحجان میں تبدیلی آئے گی؟

29 اپریل کو ممبئی میں لوک سبھا انتخابات کےلئے ووٹ ڈالے جائیں گے جبکہ یکم مئی کو مہاراشٹرا ڈے ہے، اگر اس میں دو دن ملادیں تو 5 دن پر مشتمل ایک لمبا ویک اینڈ بن جائے گا جبکہ یکم مئی سے اسکولوں کی تعطیلات کا بھی آغاز ہو رہا ہے۔ اس تناظر میں شہر میں ہمیشہ کی طرح ووٹنگ فیصد میں کمی کا امکان ہے۔

وہیں دوسری جانب الیکشن کمیشن اس بار ووٹنگ فیصد کو بڑھانے کےلیے کوشاں ہے۔ کمیشن نے شہر کے ایئرپورٹس، ریلوے و بس اسٹیشنوں کے علاوہ دیگر مقامات پر تشہیر کرتے ہوئے عوام کو پولنگ میں حصہ لینے کی ترغیب دے رہا ہے۔ اس سلسلہ میں سفر خدمات مہیا کرنے والی مشہور کمپنی تھامس کک بھی ’گھر جاؤ، ووٹ کرو‘ کے عنوان سے تشہیری مہم چلا رہی ہے۔