گلبرگہ: 18 قیدیوں کو رہا کردیا گیا

کرناٹک میں گلبرگہ سنٹرل جیل سے 14 سال تک عمر قید کی سزا کاٹنے والے 18 قیدیوں کو ان کے اچھے چال و چلن کو دیکھتے ہوئے آج رہا کردیا گیا۔

گلبرگہ سنٹرل جیل میں عمر قید کی سزا کاٹنے والے جن 18 قیدیوں کو اچھے چال و چلن کی بنا پر رہا کیا گیا ان میں 2 خواتین اور 16 مرد قیدی شامل ہیں۔

پی ایس رمیش چیف سپر نٹنڈنٹ سنٹرل جیل گلبرگہ نے 18 قیدیوں کو ان کے اچھے کردار کی بنا پر انہیں رہا کردیا جبکہ انہوں نے قیدیوں کو ہمیشہ برائی سے بچنے کی تلیقن کی۔ انہوں نے قیدیوں کو سماج میں اچھے کام کرتے ہوئے زندگی گذارنے کا مشورہ دیا۔

جن کو قیدیوں کو رہا کیا گیا ان میں رشید خان، سید محمود پاشاہ، لکشمن، شیمٹور، سابنا، چندپا، سنامدکپا، سنگپا، پی کمار سوامی، ایل گونڈ، شرنو، ملنا، مرگپا، مارکپا، بسوراج، ریوان سدپا، گوپال، کلپا شامل ہیں۔ تمام قیدیوں کا تعلق یادگیر، رائچور اور شاپور سے ہے۔