مرادآباد رحمت نگر علاقے میں غریب 'آسرا کالونی' میں رہتے, لیکن کالونی میں پانی کی ٹنکی شروع نہ ہونے کی وجہ سے لوگ پانی کے لیے کافی پریشان ہیں۔ ای ٹی وی بھارت اردو کی ٹیم نے جب کالونی میں رہنے والے مقامی لوگوں سے بات کی تو مقامی لوگوں نے بتایا کہ کالونی میں پانی کی ٹنکی تو بنی ہے لیکن شروع نہیں ہوئی ہے، جس کی وجہ سے لوگ پائپ کے ذریعہ موٹر چلا کر اپنے مکان کی چھت پر رکھی پانی کی ٹنکیاں بھرتے ہیں۔
پوری کالونی میں ایک ہی پانی کی موٹر لگی ہے۔ سبھی کالونی والے اپنے اپنے بجلی کے میٹر سے موٹر چلاتے ہیں اور پانی بھرتے ہیں لیکن کالونی میں بنی پانی کی ٹنکی شروع نہ ہونے کی وجہ سے پریشانی اٹھا رہے ہیں۔