راہل اور پرینکا گاندھی کا کہنا ہے حکومت طلبا کی مناسب مانگ پر توجہ دے

راہل گاندھی اور پرینکا واڈرا کا کہنا ہے کہ طلبا کی فطری پریشانی کو سمجھتے ہوئے حکومت کو نیٹ امتحان ملتوی کرنا چاہئے۔

کانگریس کے سابق صدر راہل گاندھی اور پارٹی اترپردیش کی انچارج جنرل سیکریٹری پرینکا گاندھی واڈرا نے کہا کہ نیشنل ایلجبلیٹی انٹرنس ٹیسٹ (نیٹ) کو ملتوی کرنے کی طلبا کی مانگ مناسب ہے اور حکومت کو ان کی بات سننی چاہئے۔

راہل گاندھی اور پرینکا واڈرا نے کہا کہ بچوں کی ذہنی صحت پر توجہ دینے کی ضرورت ہے اور اس امتحان میں بیٹھنے والے طلبا کو منصفانہ موقع دینے کی ضرورت ہے۔

مسٹر گاندھی نے ٹوئٹ کیا ہندستانی حکومت طلبا کی پریشانی پر آنکھیں موندے ہوئے ہے۔ نیٹ امتحان ملتوی کرئیے اور طلبا کو امتحان میں بیٹھنے کا منصفانہ موقع دیجئے۔

وہیں پرینکا واڈرا نے کہا کہ حکومت ایک کے بعد ایک پورے ملک میں طلبا کی مناسب مانگ کو بھی نہیں مان رہی ہے۔ جو بچے ہمارے ملک کا مستقبل ہیں اقتدار میں بیٹھے لوگوں کو ان کی بات سننے اور ان کی مدد کرنے میں کیوں پریشانی ہے۔ کیا بچوں کی ذہنی صحت اور ان کی بہتری کی فکر نہیں کی جانی چاہئے۔

نیٹ امتحان 12 ستمبر کو ہونا ہے اور اسی دن سی بی آئی کا بھی ایک پیپر ہے۔ طلبا کی مانگ ہے کہ ان کی دقت کا خیال رکھتے ہوئے نیٹ امتحان کی تاریخ تبدیل کی جانی چاہئے۔ یہ معاملہ سپریم کورٹ میں گیا لیکن عدالت نے کہا کہ اس بات کو امتحان لینے والی ایجنسی کے سامنے رکھا جانا چاہیے۔

راہل گاندھی اور پرینکا واڈرا کا کہنا ہے کہ طلبا کی فطری دقت کو سمجھتے ہوئے حکومت کو نیٹ امتحان ملتوی کرنا چاہئے۔

یو این آئی