Yashwant Jadhav Income Tax Raid: شیوسینا رہنما کی رہائش گاہ سمیت تین مقامات پر آئی ٹی کا چھاپہ

یشونت جادھو پچھلے پانچ سالوں سے سٹینڈنگ کمیٹی کے چیئرمین ہیں۔ بی جے پی کے رہنماوں نے مسلسل ان پر گمنام کمپنیوں کے ذریعے مالی بدانتظامی کا الزام لگایا ہے۔ اس لیے سنجے راوت کے بعد شیوسینا کے ایک اور رہنماء مرکزی تفتیشی ایجنسی کے نشانے پر آ گیا ہے۔ Income Tax Raids at Yashwant Jadhav's Home

ریاست مہاراشٹر کے ممبئی میں انکم ٹکس محکمہ کی جانب سے شیوسینا کے رہنماء یشونت جادو سمیت انکے پی اے باپن ساونت اور وجے لپارے عرف داؤد کے گھر پر چھاپے مارے گئے ہیں۔

این سی پی کے وزیر نواب ملک کی گرفتاری کے بعد اب مرکزی تفتیشی ایجنسی نے اپنا مورچہ شیوسینا کی طرف منتقل کر دیا ہے۔ انکم ٹیکس حکام نے جمعہ کی صبح ممبئی میونسپل کارپوریشن کی اسٹینڈنگ کمیٹی کے چیئرمین اور شیوسینا کے رہنماء یشونت جادھو کی رہائش گاہ پر چھاپہ مارا۔ Income Tax Officer Arrived At Yashwant Jadhav's House

انکم ٹیکس آفیسر آج صبح سی آر پی ایف کے جوانوں کے ساتھ یشونت جادھو کے گھر پہنچے۔ اطلاع ہے کہ محکمہ انکم ٹیکس کے افسران نے یشونت جادھو سے گھر پر پوچھ گچھ شروع کردی ہے۔

جادھو کے گھر پر دستاویزات کی جانچ کی جا رہی ہے۔ تاہم ابھی تک یہ واضح نہیں ہے کہ یشونت جادھو سے کس معاملے میں تفتیش کی جا رہی ہے۔

یشونت جادھو پچھلے پانچ سالوں سے سٹینڈنگ کمیٹی کے چیئرمین ہیں۔ بی جے پی کے رہنماوں نے مسلسل ان پر گمنام کمپنیوں کے ذریعے مالی بدانتظامی کا الزام لگایا ہے۔ اس لیے سنجے راوت کے بعد شیوسینا کا ایک اور رہنماء مرکزی تفتیشی ایجنسی کے نشانے پر آ گیا ہے۔

قابل ذکر ہے کہ یشونت جادھو کی بیوی یامنی جادھو نے نواب ملک کی حمایت میں مہاوکاس اگھاڑی کے ایجیٹیشن میں حصہ لیا تھا۔