کولگام میں کسانوں نے سڑک کی توسیع کا کام روک دیا

ضلع کولگام کے کنڈ علاقہ میں کسانوں نے سڑک کی توسیع کا کام روک دیا۔ کسانوں کا کہنا ہے کہ حکومت نے انہیں مناسب معاوضہ ادا نہیں کیا ہے جس کے بعد انہوں نے یہ قدم اٹھایا۔

کسانوں نے حکومت کی جانب سے مناسب معاوضہ ادا نہ کرنے پر سخت برہمی کا اظہار کرتے ہوئے سڑک کی توسیع کا کام روک دیا۔ زمین مالکان کا دعویٰ ہے کہ حکومت نے انہیں موجودہ قیمت کے تحت معاوضے کی رقم اب تک ادا نہیں کی ہے۔

اس لیے زمین کے مالکان سخت مشکلات سے دوچار ہیں ۔ متاثرہ کسانوں نے کہا کہ سڑک کی کشادگی کے سبب کئی کسانوں کی زمینیں چلی گئیں اور وہ گزشتہ کئی سالوں سے معاوضہ کے لیے سرکاری دفاتر کے چکر کاٹ رہے ہیں۔

انہوں نے کہا جب تک انہیں معاوضہ نہیں مل جاتا تب تک سڑک کی تعمیر نہیں ہونے دی جائے گی۔کسانوں نے حکومت سے اپیل کی کہ وہ اس معاملے کو سنجیدگی سے لے اور غریب کسانوں کو معاوضہ ادا کریں۔

ڈی ڈی سی ممبر کنڈ شیخ گلزار احمد نے کہا کہ انہوں نے ضلع ترقیاتی کمشنر سے اس معاملہ میں بات کی ہے اور انہیں امید ہے کہ آنے والے دنوں میں معاوضہ ادا کیا جائے گا