فضائی آلودگی کے سبب مرزا دبیر پر سیمینار متاثر

غالب انسٹی ٹیوٹ کی جانب سے قومی دارالحکومت دہلی میں معروف شاعر مرزا دبیر کے نام پر دو روزہ سیمینار کا اہتمام کیا گیا ہے لیکن اس پروگرام پر فضائی آلودگی کا اثر نظر آیا۔

کس شیر کی آمد ہے کہ رن کانپ رہا ہے
رستم کا جگر زیر کفن کانپ رہا ہے

یہ شعر مرثیہ گوئی کے شہنشاہ مرزا سلامت علی دبیر کا ہے، جن کے سینکڑوں اشعار نسل در نسل برسوں تک عوام و خواص کی زبان زد رہے، دہلی میں پیدا ہونے والے اسی عظیم الشان شاعر کی یاد میں ایوان غالب میں دو روزہ سمینار کا انعقاد عمل میں آیا۔

مگر ایوان غالب کے چھوٹے ہال میں موجود سامعین کی تعداد دیکھ کر افسوس ہوا۔

مرزا دبیر کی خدمات پر یہ سمینار غالب انسٹی ٹیوٹ نے منعقد کیا تھا۔

غالب انسٹی ٹیوٹ نے سیمینار کے تعلق سے اخبارات میں اشتہارات بھی جاری کئے تھے، مگر دبیر کے نام پر ہوئےدو روزہ سیمینار میں دہلی کے اردو دوست سامعین پروگرام میں شرکت کے لئے نہیں پہنچ سکے۔

پروفیسر سید کلیم نے بتا یا کہ 'مرزا دبیر پر ہوئے اس سیمینار میں لوگوں کے شرکت نہ کرنے کی اصل وجہ شاید ان دنوں دلی کی مسمسوم فضاہے'۔